BUKU FILOSOFI JAWA : "OJO GUMUNAN, OJO GETUNAN, OJO ALEMAN

Kanggo wong Jowo telung kalimat kuwi wes umum alias sering dirungokno. sak benere telung kalimat kuwi nduwe arti seng apik kanggo sangu urip supoyo urip luwih mulyo lan selamet. Aku dadi wong Jowo ngroso yen aku wajib sinau perkoro kejawen luwih - luwih pakeme wong jowo. salah sijineng pakem Jowo seng wajib dingertine karo wong jowo yoiku : Ojo Gumunan, Ojo Getunan lan Ojo Aleman. Opo kuwi maksute? sabar yo konco - konco, iki bakal tak terangke siji - siji, diwoco tenanan lan dipahami. ojo mung diwoco, diguyu trus di lalekno yo...

OJO GUMUNAN
Ojo Gumunan kuwi maksute dadi menungso ojo gampang gumun. ndelok dadi milyader gumun, weruh koncone dadi ayu gumun, weroh koncone sugeh gumun. orak mung kuwi thok weruh koncone dadi mlarat gumun, weruh koncone dadi elek tambah gumun meneh, weruh koncone bojone okeh semaput. maksutku, dadi wong kuwi yo biasa wae, sak lumrahe, sak pantese. ojo gumunan. sebab opo?

Sebab wong gumunan kuwi ora iso ngendalekno howo nefsu alias ora iso ngontrol awakke dewe. nek boso jowone kebablasen. wong nek ora iso ngendalekno awakke dewe batine ora tenang, kemrungsung lan ora nduwe masa depan mergo sibuk ngurusi wong liyo. 

Sebab liyane, wong gumunan kuwi wonge tamak, serakah, rakus.nek boso jowone nggragas ora nduwe pakem dewe. wong seng koyok ngono kuwi gampang dihasut, gampang dipengaruhi. nek dipengaruhi apik gak popo lha nek dipangaruhi elek rak malah bubrah kabeh.

OJO GETUNAN
Ojo getunan kuwi maksute ojo gelonan.nek boso Indonesiane "jangan larut dalam penyesalan". Gelo oleh wae tapi ojo terus - terusan. Contone : Gelo kalunge ilang, gk mari - mari sampe pirang - pirang sasi diomongno terus. lha nek wes ngene kan rugi wektu, rugi tenogo, rugi pikiran kanggo bahas perkoro seng sing wes ora ono paedahe.

Barang seng wes kadung, yo diikhlasno wae ojo digetune terus marakno penyakit. Ikhlas nerimo kuwi luwih becik ketimbang nggetuni barang seng wes kadung ilang. Getun seng apik yoiku getun seng marakno awakke dewe sinau soko perkoro seng wes kadung mau. nek boso Indonesiane kuwi "belajar dari sebuah kegagalan". Lha nek kuwi gelo tapi apik mergo ono sinaune. nek gelo / getun thok tapi gak sinau yo marakno uripmu tambah susah mergo ora ikhlas marang kenyataan urip. 

OJO ALEMAN
Ojo Aleman kuwi maksute ojo manja. wong manja kuwi ora apik mergo uripe tergantung karo wong liyo. urip seng apik kuwi yo urip mandiri ora tergantung wong liyo. wong seng uripe tergantung wong liyo tak jamin mesti sering loro ati, kuciwo lan sak andahane. 

Wong aleman kuwi biasane seneng di alem (senang dipuji). aleman seng seng keterlaluan yo marakno wonge dadi duwur atine (sombong). mulo iku nek ngalem wong yo kiro - kiro, sak lumrahe wae. 

Wes paham maksutku yo, urip kuwi ojo gumunan, ojo getunan lan ojo Aleman. Yen awakmu nganggop pakem telu kuwi InsyaAllah uripmu mulyo lan kepenak. 


Komentar

Postingan populer dari blog ini

LAGU INDIA PALING ROMANTIS (OST RANVEER DAN ISHANI)

SINETRON SCTV INDIA HAMARI ADHURI KAHANI LIRIK DAN ARTINYA

BUKU FILOSOFI JAWA : "URIP IKU URUP"